Grupi i PD kërkon masë disiplinore ndaj kryeministrit Rama për sjelljen e tij në seancën e sotme. Pas debatit të ashpër mes deputetit Gazment Bardhi dhe kryeministrit Edi Rama, demokratët kanë kërkuar përjashtimin e kreut të qeverisë.
Një grup deputetësh firmosën një kërkesë të cilën e depozituan në sekretariatin e Kuvendit, për të marrë një masë disiplinore ndaj kryeministrit. Në shkresë, përmenden disa fraza të Ramës, drejtuar Gazment Bardhit gjatë debatit, ku kryeministri u shpreh: Je palaço cirku. Sipas demokratët, gjuha e përdorur nga kryeministri, është në kundërshtim me rregulloren e Kuvendit, ndaj ato kërkuan përjashtimin për 10 ditë të tij nga punët e Kuvendit.
