Priti kolegët në Krujë, reagon Sabah Sheta dhe ka një mesazh: Një vit i ri me objektiva të reja. Të bashkuar nën PD arrijmë fitoren përballë Rilindjes në 2023!

Nga Sabah Sheta
Kruja priti këto ditë kryetarët e degës së PD të Veriut të Shqipërisë! Për mua si kryetar i degës së PD Krujë, ishte kënaqësi të prisja në sofrën krutane ashtu siç di krahina jonë, kolegët dhe miqtë e mi për të ngritur një dolli për një vit më të mirë dhe më të suksesshëm për NE dhe çdo familje demokrate, krutane dhe shqiptare pa dallim bindjesh!
Viti që lamë pas ishte i pazakontë për familjen tonë politike ku konflikti i brendshëm (siç duket dhe I fshehur dhe më parë), e ka dëmtuar atë në objektivin final, atë të përballjes me kundërshtarin dhe arritjen e objektivit të vetëm fitoren e Partisë Demokratike përballë Rilindjes Mavi dhe satelitëve të saj publikë dhe të maskuar!
Çdo debat brenda nesh duhet të jetë konstuktiv dhe objektivi i çdo demokrati duhet të jetë fitorja e PD, logos së saj dhe asnjë votë nuk duhet të kalojë jashtë këtij gardhi. Çdo tentativë tjetër po e çon ujin tek kundërshtari i PD dhe çdo votë e tranferuar tek aleatët është në dëm të forcë sonë politike.
Apeli im, si kryetar i degës së PD Krujë, si qytetar dhe democrat është që të jemi të bashkuar në qëllimin tonë të vetëm; fitoren më 14 maj dhe në kutitë e votimit të mund të prodhojmë rezultatin që pritet dhe është i mundshëm, fitoren e Partisë Demokratike të Shqipërisë dhe kandidatëve të saj!
Uroj të gjithë kolegët të arrijmë objektivin tonë të mundëm në vitin 2023. Të bashkuar ia dalim!