Arrestimi i bosit mafjoz të “cosa-nostras” është temë diskutimi këtë të mërkure në “Top Story”.
Teksa ka komentuar ngjarjen, gazetarja Anduena Llabani është shprehur se ky mund të jetë një arrestim i inskenuar i Mateo Mesina Denaros, i cili mund të zbulojë edhe shumë vrasje të tjera të mbetura mister deri më tani.
Ajo ka thënë gjithashtu se sëmundja që ai ka ja ka bërë të pamundur qënien në arrati e të qëndrojë më gjatë në këtë formë dhe se ka shumë të dhëna dhe informacione nga gazetarë italianë dhe ky ka qenë një dorëzim dhe mund të ketë edhe një pentito.
Anduena Llabani: Mediat italiane po ziejnë për të nxjerur të fshehtat dhe të pathënat, antimafia italiane nuk besoj të ketë çeduar qoftë edhe një minutë këtë grup. Ka qenë I survejuar prej tetë vitesh dhe ka burime që mund të ketë pasur një ndërmjetësim dhe ka pranuar që në fund të bëhet pjesë e një arrestimi të inskenuar madje ka dhe zëra që Mateo Mesina Denaro mund të deklarojë e të dëshmojë shumë vrasje të tjera që kanë ngelur pa autor për të cilat akuzohen organizata të tjera por kjo do të marrë kohën e vet. Sëmundja thonë ja ka bërë të pamundur qënien në arrati e të qëndrojë më gjatë në këtë formë. Ka shumë të dhëna dhe informacione nga gazetarë italianë dhe ky ka qenë një dorëzim dhe mund të ketë edhe një pentito./ Top Channel
