Tërmeti 6.4 ballë që goditi pasditen e sotme Turqinë ka shkaktuar vdekjen e 3 personave, ndërsa janë plagosur 213 të tjerë. Këto shifra janë konfirmuar nga ministri i Brendshëm turk, Suleyman Soylu.
Agjencia turke e fatkeqësive tha se niveli i detit mund të rritet me 50 centimetra, duke paralajmëruar njerëzit që të qëndrojnë larg bregdetit.
Dy tërmete me magnitudë 6.4 dhe 5.8 kanë goditur pasditen e sotme jugun e Antiokisë të Turqisë. Bilanci i përgjithshëm i viktimave si pasojë e tërmetit të 6 Shkurtit në Turqi dhe Siri është mbi 46 mijë.
