Sekretari i Përgjithshëm i Kombeve të Bashkuara, Antonio Guterres e ka quajtur pushtimin rus të Ukrainës si shkelje të statutit themelues të OKB-së dhe ligjit ndërkombëtar.
Duke folur para Asamblesë së Përgjithshme të OKB-së, ai tha se kërcënimet e nënkuptuara të Moskës për përdorimin e armëve bërthamore ishin krejtësisht të papranueshme.
“Është koha për t’u tërhequr”, tha ai.
Kujtojmë se Moska bëri me dije se do të pezullonte traktatin bërthamor START i armëve bërthamore, i cili kufizon numrin e kokave bërthamore që mund të vendosen nga Rusia dhe SHBA.
Asambleja e Përgjithshme e OKB-së do të paraqesë një projekt-rezolutë, me gjasë gjatë ditës së nesërme, për të theksuar nevojën për një fund të shpejtë të luftës në Ukrainë.
Ukraina dhe aleatët e saj shpresojnë se rezoluta do të marrë mbështetje të gjerë nga anëtarët e OKB-së.
