Aktori Bujar Asqeriu ka marrë këtë mbrëmje titullin “Qytetar Nderi” i Vlorës. Menjëherë pas premierës në Vlorë të dramës “Gjaku i Martirëve të Kombit”. aktori i mirënjohur është vlerësuar me titullin e lartë në prani edhe të drejtuesve të pushtetit vendor dhe deputetëve të Vlorës.
Një titull i akorduar me vendim të Këshillit të Bashkisë Vlorë ndërsa i është dorëzuar në skenë nga kryetari i Bashkisë, Dritan Leli. Pas emocioneve që ka dhuruar për artdashësit, menjëherë pas shfaqjes aktori është shprehur i emocionuar duke pranuar se nëse një vlerësim të tillë e merr në qytetin e tij do të thotë se ka bërë diçka të mirë në karrierën e tij.
Emocione për rreth një orë e gjysmë kanë përjetuar artdashësit në një shfaqje që do të vijojë edhe në fundjavë në skenën e Teatrit “Petro Marko”.
