Nga Bujar Leskaj
𝗚𝗲𝘇𝘂𝗮𝗿 𝗱𝗶𝘁𝗲𝗹𝗶𝗻𝗱𝗷𝗲𝗻, 𝗸𝗹𝘂𝗯𝗶 𝘆𝗻𝗲 𝗶 𝘇𝗲𝗺𝗿𝗲𝘀!
𝗚𝗲𝘇𝘂𝗮𝗿 𝗱𝗶𝘁𝗲𝗹𝗶𝗻𝗱𝗷𝗲𝗻, 𝗸𝗹𝘂𝗯𝗶 𝘆𝗻𝗲 𝗶 𝘇𝗲𝗺𝗿𝗲𝘀!
Kanë kaluar 100 vite dhe rrugëtimi vazhdon!
FLAMURTARI, dhjetë gërma magjike, secila prej të cilave fsheh historinë e vet, të veçantë dhe “të artë” dekadash.
FLAMURTARI, një klub, një ide, një grup, një rup të rinjsh të qytetit të apasionuar pas sportit, që krijuan bërthamën e tyre të kulturës, e cila në të ardhmen do të arrinte t’u jepte mish e kocka ëndrrave të tyre, t’u kthente atdheun e humbur, krenarinë e tyre të humbur, t’i bënte të jetonin përsëri. në normale.
FLAMURTARI sot mbush sot 100 vite jetë dhe brenda këtyre viteve ka jetuar momente brilante lavdie, por edhe hidhërimi.
FLAMURTARI gjithmonë i ka bërë krenarë të gjithë tifozët e tij, me të kaluarën e tij të lavdishme dhe duke ndërtuar të ardhmen nga e para me synimin për të qenë po aq e ndritur.
FLAMURTARI ka një histori që shkruhet gjithmonë pak nga pak dhe milimetër pas milimetër… Është shkruar me fitore, humbje, trofe dhe çmime. Është shkruar me të mirat dhe të këqijat.
Për FLAMURTARIN gjithçka…, gjithçka nisi në 23 mars 1923. Ishte dita e themelimit të FLAMURTARIT dhe një ditë që nuk do të harrohet nga asnjëri prej sportdashësve vlonjatë.
23 Marsi i vitit 1923 ishte data e themelimit të Klubit të Futbollit vlonjat “Vlora”, kryetar i parë i të cilit, u zgjodh Milto Korçari, sekretar Malo Ismaili dhe financier Faslli Zoga.
Më 22 qershor 1946 anëtarët e klubit të sportit “Ismail Qemali”, intelektualë e sportistë kërkojnë të ndryshohet emërtimi i klubit ne “Sport Klub Flamurtari”.
Për sportdashësit vlonjatë janë të paharruara rezultatet e ekipeve të qytetit tonë në futboll, basketboll femra, mundje, peshëngritje, not, etj, etj.
Në kujtesën dhe historinë e qytetit tonë dhe të Shqipërisë janë ngulitur gëzimet, lumturia e fitoreve të ekipit të basketbollit të femrave të Flamurtarit, por sidomos plejada e artë e ekipit të futbollit të viteve ‘80- ’90, të cilët ngritën peshë me lojën dhe rezultatet e tyre zemrat e sportdashësve në mbarë vendin.
Kush mund të harrojë ekipin fantastik të basketbollit të femrave?
Kush mund të harrojë fitoret dhe rezultatet e papara deri në atë kohë të ekipit të futbollit me Barcelonën, Partizanin e Beogradit, etj?
Sot, në 23 mars 2023, në shekullimin e Klubit shumësportësh “FLAMURTARI” urimi im dhe i të gjithë sportdashësve vlonjatë është që ekipi ynë i zemrës të rijetojë përsëri lavdinë dhe të zerë vendin që duhet e që meriton në historinë e sportit shqiptar!
V.O.1- Bashkëngjitur faksimile të disa shënimeve për ekipin e Flamurtarit nxjerr nga librat “Yje në fushën time” i gazetarit sportiv Moisi Dalipi dhe “FLAMURTARI- bashkë një shekull” i gazetarit dhe studiuesit Ergys Alushaj.
V.O.2- Ditën e shtunë bashkia Vlorë dhe Klubi Shumësportesh e i futbollit “Flamurtari “ dhe ditën e dielë, me 26 Mars (ora 11.00 ndeshje e 13.00 koncert festiv) Shoqata “Flamurtari” (shoqatë e krijuar nga Mjeshtërit e Mëdhenj: Vasil Ruci, Kreshnik Çipi, Rrapo Taho, Gramos Murataj & Co)kremtojnë:
100-vjetorin e Klubit FLAMURTARI!
Jemi të gjithë (dashamirës të Flamurtarit) të ftuar të marrim pjesë.
