Nikoll Lesi thotë se koalicioni Berisha-Meta në zgjedhjet lokale nuk ka gjasa të fitojë, pasi sipas tij nuk ka frymë dhe nuk tërhiqet elektorati gri.
Lesi deklaroi në “Të Paekspozuarit” në MCN TV, se Berisha është i zoti për të bërë mitingje, por Rama merr votat.
“Mitingu i hapjes së fushatës ishte normal, brenda normave të doktorit. Problemi është që doktori bën mitingjet, por votat i merr Rama.
Nuk ka frymë, Berisha dhe Meta po shkojnë drejt normalitetit te votat e tyre.
Nuk ka frymë, nuk lëviz pjesa gri, nuk motivohen njerëzit. Nuk rrëzohet Rama me votat e Berishës dhe Metës. Harroje këtë punë!
Berisha dhe Meta e dinë që Tiranën e kanë të humbur dhe po luftojnë për Durrësin dhe Elbasanin”, deklaroi Lesi.
