Dy kushurinj janë përfshirë në një sherr me thika në Rrëshen dhe kanë mbetur të plagosur. Mësohet se ngjarja ka ndodhur në banesën e një prej të rinjve.
Sipas burimeve për Panorama Tv, pasi kanë debatuar, 19 vjeçari me iniciale N. Gj. dhe 20 vjeçari K. V. (kushërinj) janë përplasur me thika me njëri-tjetrin. Dy të rinjtë janë dërguar në spitalin e Rrëshenit ku mësohet se ndodhen jashtë rrezikut për jetën.
Dyshohet se sherri ka ndodhur për motive të dobëta.
Informacion paraprak
Në Rrëshen, shtetasit N. Gj. 19 vjeç dhe K. V. 20 vjeç ( kushërinj), dyshohet që për motive të dobëta janë konfliktuar fizikisht si dhe kanë plagosur me mjet prerës (thikë) njëri-tjetrin.
Si pasojë e dëmtimeve fizike të marra, ndodhen në spital për trajtimin e nevojshëm mjekësor.
Grupi hetimor vazhdon veprimet hetimore për zbardhjen e plotë të rrethanave të ngjarjes.
