Ministria e Shëndetësisë së kosovës ka paralajmëtuar se nga tetori i këtij viti në kalendarin e rregullt të imunizimit do shtohet edhe 3 vaksina të reja.
Sipas ministrisë, këto vaksina janë ajo kundër Pneumokoku-t, vaksina kundër Rotavirusit dhe HPV, e njohur si vaksina kundër kancerit në qafë të mitrës. Dozat për vakziant janë porositur tashmë dhe pritet që të jenë të detyrueshme për fëmijët.
“Vaksina kundër Pneumokoku, vaksina kundër Rotavirusit dhe HPV do të përfshihen në kalendarin e rregullt në tetor të këtij viti. Vaksinat jepen së bashku me vaksinat e tjera të kalendarit të rregull, jemi në përfundime të materialeve që do të përdoren për trajnime dhe shumë shpejt do të fillohet me trajnimin e profesionistëve shëndetësor. Vaksinat janë porositur në bazë të planifikimit të fëmijëve që i përkasin grup moshave të caktuara për vaksinim”, thuhej në përgjigjen e Ministrisë së Shëndetësisë.
