Një 22-vjeçar ka mbetur i plagosur me armë zjarri gjatë natës. Ngjarja ka ndodhur në Lezhë dhe policia ka njoftuar se i plagosur ka mbetur Aleks Laska.
Sipas policisë, i riu është paraqitur në spital me plagë në këmbë, ndërsa janë të paqarta rrethanat si ka ndodhur ngjarja.
I riu aktualisht ndodhet jashtë rrezikut për jetën, ndërsa policia po punon për zbardhjen e rrethanave të ngjarjes.
Lezhë/Informacion paraprak:
Në Urgjencën e Spitalit Rajonal Lezhë, ka shkuar për ndihmë mjekësore, i plagosur me armë zjarri në këmbë në rrethana ende të paqarta shtetasi A.L. 22 vjeç, banues në Rrilë, Lezhë, i cili ndodhet jashtë rrezikut për jetën.
Grupi hetimor në bashkëpunim me Prokurorinë po punon për sqarimin e rrethanave të ngjarjes, identifikimin dhe kapjen e autorit.
