Kryetari ende në letra i Partisë Demokratike, Lulzim Basha, sapo reagoi për një video të shfaqur mbrëmë nga Syri TV ku pretendohet për një “takim sekret” mes tij dhe kreut të Grupit Parlamentar të PS-së, Taulant Balla, në dhjetorin e kaluar.
“Montazhet qesharake, shpifjet dhe trillimet që bëhen për t’i fryrë përçarjes së demokratëve janë shërbimi më i mirë për Ramën. Nuk mbahen dot me sajesat e minutës së fundit, gënjeshtrat e dala boje para gjithë botës”-shkroi Basha, duke mos mohuar indirekt se kanë patur një takim mes dy burrave në një apartament, i ciki, sipas partisë së Berishës, ka ndikuar te vendimi i Gjykatës së Apelit për t’i lënë vulën dhe siglën e partisë Enkelejd Alibejat, kryetarit të komanduar të PD-së.
