Lajmi për vdekjen e Silvio Berlusconit ka tronditur opinionin italian. Më prekës, ka qenë për prezantuesit e Mediaset, Federica Panicucci dhe Francesco Vecchi të cilët e kanë pasur të vështirë për ta përcjellë lajmin te publiku ashtu siç duhet.
Kjo pasi moderatorja Federica Panicucci ka shpërthyer në lot, duke e pasur të pamundur që të vazhdojë fjalinë.
Për këtë arsye, ka kërkuar ndihmën e kolegut.
“Të lutem, vazhdo ti”, dëgjohet teksa thotë Federica Panicucci
Lideri i Forza Italia dhe themeluesi i Mediaset u shua në moshën 86-vjeçare. Silvio Berlusconi u kthye në San Raffaele të premten e kaluar, pas një shtrimi të gjatë prej 45 ditësh, i cili përfundoi disa javë më parë, për shkak të pneumonisë dhe leucemisë.
