Ka startuar sfida mes Shqipërisë dhe Moldavisë e vlefshme për kualifikueset e “Euro 2024”.
Të pranishëm në stadium janë presidenti i FSHF-së, Armand Duka, kryeministri i Shqipëri, Edi Rama së bashku me djalin e vogël, Zaho.
Djali i kryeministrit mban veshur fanellën e Kombëtares me numrin 2. Dikur mbahej nga Andi Lila, teksa sot me këtë numër ka zbritur në fushë Mario Mitaj.
Gjithashtu edhe ministrja e Arsimit dhe Sporteve, Evis Kushi ndodhet në tribunë për të ndjekur nga afër Shqipërinë.
Të gjithë tifozët presin shumë nga Kombëtarja kuqezi, sidomos pas humbjes ndaj Polonisë.
