Gjykata e Durrësit ka vendosur masën e sigurisë “arrest me burg” për Eraldo Musteqja, autor i zjarrvenies se lokalit të Noizit.
Në sallën e gjyqit, 26-vjeçari nuk ka pohuar, as ka mohuar akuzën për zjarrvënie, ndërsa ka deklaruar se ka reaguar pasi policët kanë ushtruar dhunë ndaj tij
Sipas tij, ai ka qenë në zonën pranë lokalit për të medituar dhe ka qenë duke u larguar nga aty, kur është përballur me policinë.
Përveç zjarrit të 29 qershorit, Musteqja dyshohet se është autor dhe i dy zjarrvënieve të tjera, njëra më 11 qershor në të njëjtin lokal, i cili u shkrumbua thuajse plotësisht dhe më 10 qershor në derën e shtëpisë së familjes së këngëtarit.
Ndaj 26-vjeçarit prokuroria e Durrësit ka ngritur dy akuza, atë të “shkatërrimit të pronës me zjarr” dhe “kundërshtimit të punonjësit të policisë së rendit publik”.
