Nënkryetari i Partisë së Lirisë, Petrit Vasili është paraqitur sot në Prokurorinë e Posaçme (SPAK).
Burimet bëjnë të ditur se numri dy i Partisë së Lirisë, është thirrur për çështjen e lobimit të ish LSI-së.
Sipas disa të dhënave të siguruara nga BIRN në Departamentin e Drejtësisë në SHBA tregojnë se gjatë vitit 2016, LSI ka bërë pagesa në vlerë 267,804 USD për kompaninë e saj të lobimit në Uashington, Global Security and Innovative Strategies, GSIS.
Pagesat përfshijnë tarifën mujore fikse prej 30,000 USD për kompaninë amerikane si dhe rimbursim të shpenzimeve, që kjo e fundit ka bërë gjatë përfaqësimit të interesave të liderëve të LSI-së pranë kongresit të SHBA-ve dhe administratës amerikane.
