Kryeministrja italiane, Georgia Meloni, ka ndërmarrë veprime ligjore kundër këngëtarit të grupit Placebo, Brian Molko, pasi ky i fundit e quajti kryeministren Meloni “fashiste” dhe “raciste”, gjatë një koncerti në Torino.
Gjatë performancës, Molko ka kritikuar e ofenduar zyrtaren italiane, madje duke përdorur gjuhë fyese, duke e cilësuar atë si “një copë m**i”.
Pavarësisht kërkesës së Molkos drejtuar publikut për të mos regjistruar deklaratat e tij, një video e këngëtarit qarkulloi masivisht në internet dhe u bë virale
Si rezultat i gjithë situatës së krijuar, prokurorët e qytetit të Torinos nisën një hetim ndaj këngëtarit vetëm një javë pas koncertit.
Sipas kodit penal të Italisë, individët që shpifin publikisht kundër qeverisë, parlamentit ose ushtrisë mund të ndëshkohen me gjobë deri në 5 mijë euro.
