Tedi Cara është padyshim lojtari më në formë te Partizani. Si të mos mjaftonin golat e shumtë në Europë, sulmuesi kavajas, gjeti rrugën e rrjetës nga pika e bardhë e penalltisë, edhe në miqësoren e luksit ndaj Romës.
Një gol që do ta mbajë mend gjatë. Në prononcimin e dhënë pas ndeshjes për mikrofonin e “RTSH”, Cara ndër të tjera u shpreh:
“Ishte një emocion i veçantë, edhe pse ishte miqësore, të gjithë e dinin rëndësinë e ndeshjes, kishim përballë një ekip me emër dhe traditë në gjithë botë. Ishte një gol për eksperiencë, për emër. Nuk kam dedikim të veçantë, thjesht bëra detyrën time, ta gëzojë Partizani. Kanë nevojë që të shënoj gola në Europë, por janë kënaqur edhe me këtë gol.
Ka pasur interesime nga klube, pa mbaruar Europën nuk mund të flasim, si unë dhe klubi. Mbasi të mbarojmë, do të ulemi me klubin dhe të vendosim si është më e mira. Jam i kënaqur edhe nëse qëndron, atë e di klubi”, përfundoi Cara.
PANORAMASPORT.AL
