VIDEO/ Motori i avionit shpërthen në flakë gjatë fluturimit, tmerrohen pasagjerët: Do bjerë poshtë

Motori i djathë i një avioni, i cili udhëtonte nga Houston në Cancun, ka shpërthyer në flakë pak minuta pas nisjes nga toka.
Sipas mediave të huaja, aeroplani është detyruar të kthehej në Aeroportin Hobby në mënyrë që pasagjerët të mund të zbrisnin të sigurt.
Udhëtarët në bordin e fluturimit të Southwest Airlines dëshmuan se kanë parë skena të tmerrshme pasi motori i djathtë i aeroplanit filloi të nxjerrë flakë dhe tym.
Fluturimi kishte shfaqur probleme që në ngjitjen e tij, kur ekuipazhi dëgjoi zhurma të forta goditjesh që vinin nga motori i djathtë, i cili më pas shpërtheu në flakë.
Në një deklaratë, Southwest Airlines tha se avioni ‘u kthye në aeroport’ dhe u kontrollua për një problem të mundshme mekanike.