Nedim Bajrami ishte protagonisti kryesor i Shqipërisë në barazimin kundër Çekisë me supergolin e tij në minutën e 66’, që bëri që kuqezinjtë të dilnin me një pikë nga kjo transfertë.
Supergoli i tij duket se ka marrë dhe vëmendjen e UEFA-s, me vetë faqen e Europianit në “Instagram” që i thur elozhe mesfushorit kuqezi.
“Bajrami e bëri përsëri”, shkruan “EURO 2024” duke iu referuar dhe golave të mëparshëm të mesfushorit që luan me Sasuolon, i cili shkon kështu në kuotën e 3 golave në tre ndeshjet e fundit me Kombëtaren.
FOTO/ “Bajrami e bëri përsëri”, edhe UEFA i “thur” elozhe mesfushorit të Kombëtares pas supergolit me Çekinë
