Milani ka siguruar tre pikët dhe kreun e renditjes së Serisë A me një sfidë të fituar në mënyrë të pabesueshme ndaj Xhenoas në transfertë.
Në një ndeshje pa shumë emocione për pjesën më të madhe të saj, shkëndijat erdhën në fundin e sfidës.. Fillimisht Pulisiç i dha avantazhin kuqezinjve dhe më pas ndeshja u ndez në minutat shtesë. Menja ndërhyri në mënyrë të gabuar ndaj Ekuban, duke u ndëshkuar me karton të kuq, duke bërë që në portë të përfundonte Zhiru, teksa në goditjen e dënimit, ishin vendasit që goditën traversën.
Më pas, ishte edhe portieri i vendasve, Martinez, ai cili u ndëshkua me të kuq, teksa po ndalte një kundërsulm të kuqezinjve.
Por në fund, vërshëllima e gjyqtarit i dha Milanit tre pikë shumë të vuajtura, por që i mjaftojnë për të marrë kreun e renditjes së Serisë A.
XHENOA-MILAN 0-1
89′ Pulisiç
