Në seancën e sotme për kryebashkiakun e zgjedhur të Himarës, Fredi Beleri, GJKKO ka vendosur shtyrje të procesit pasi është miratuar zëvendësimi i gjyqtares Etleva Deda.
Gazetarja Klodiana Lala bën me dije se vend të saj do të caktohet Flora Hajredini, e cila ka kërkuar kohë të njihet me dosjen e Belerit
Deda kishte kërkuar të hiqte dorë nga çështja, ndërsa ishte kërkuar edhe përjashtimi i saj nga avokatët e Belerit.
Beleri nuk ishte i pranishëm në seancën e sotme, ndërsa seanca e radhës për të do të mbahet në 24 tetor, në orën 11:00.
