EMRAT/Kandidojnë për SPAK, zbulohet data kur do të merren në pyetje 8 prokurorët! Intervista do të zgjasë jo më shumë se 30 minuta

Tetë kandidatët për t’u bërë pjesë e SPAK do të merren në pyetje nga Këshilli i Lartë i Prokurorisë më 7 dhjetor.

KLP njofton intervistat nisin në orën 09:00 dhe do të regjistrohen me audio dhe video.

Intervistat me prokurorët që kandidojnë për SPAK zgjasin jo më shumë se 30 minuta për secilin kandidat (nga të cilat 10 minuta për prezantimin individual të kandidatëve dhe 20 minuta për pyetjet/përgjigjet nga anëtarët e Këshillit dhe përfaqësuesit e misionit ndërkombëtar të OPDAT).

Kandidatët garojnë për 3 vende vakante në Prokurorinë e Posaçme.

Kandidatët:

1. Albert Kuliçi
2. Anita Jella
3. Bledar Maksuti
4. Kreshnik Ajazi
5. Ndini Tavani
6. Ols Dado
7. Pali Decolli
8. Sonila Muhametaj (Domi)