Dy automjete janë përplasur paraditen e sotme në Rrugën e Arbrit, afër Shkallës së Tujanit. Një nga automjetet ka rënë në humnerë dhe 2 shtetasit që kanë qenë në këtë automjet, kanë humbur jetën.
Ndërkohë, drejtuesi i automjetit tjetër ndodhet në spital, në kujdesin e mjekëve.
“Më datë 18.12.2023, në Rrugën e Arbrit, afër Shkallës së Tujanit, janë përplasur 2 automjete. Si pasojë e përplasjes, njëri nga automjetet ka rënë nga lartësia në humnerë dhe 2 shtetasit që kanë qenë në këtë automjet, kanë humbur jetën.
Drejtuesi i automjetit tjetër, shtetasi K. R., ndodhet në spital, në kujdesin e mjekëve.“– njofton policia.
Grupi hetimor po punon për sqarimin e rrethanave të aksidentit dhe për identifikimin e 2 shtetasve që kanë humbur jetën.
