Një aksident automobilistik ka ndodhur mbëmjen e sotme (23 dhjetor) në aksin e autostradës Levan-Tepelenë , në afërsi të vendit të quajtur “24 orarëshi” në Poçem.
Burime zyrtare nga policia e Fierit pohojnë se janë përplasur dy automjete, e si pasojë janë plagosur 7 perosna, 5 prej të cilëve janë transportuar në spitalin Rajonal Fier, ndërsa dy të tjerë pritet të marrin ndihmën mjekësore nga momenti në moment.
Mes të lënduarve janë edhe dy fëmijë, ku njëri prej tyre, 3-vjeç, është më rëndë dhe është futur në sallen e operacionit.
Në vendngjarje kanë shkuar forca të policisë rrugore dhe ekspertët, për të zbardhur rrethanat e këtij aksidenti.
