Bugatti Chiron Super Sport 300+ e vitit 2022 është pjesë e një serie me edicion të kufizuar prej vetëm 30 modelesh. Hipermakina shumë e kërkuar është në gjendje të arrijë shpejtësi pak më shumë se 490 kmh.
Duke e vënë këtë shpejtësi në kontekst, avioni më i madh i pasagjerëve në botë, Airbus A 380, me më shumë se 850 persona, ngrihet me rreth 300 kmh.
Prodhuesi franko-italian i makinave sportive luksoze festoi 110-vjetorin e tij me një arritje të rëndësishme në 2019: ish-fituesi i Le Mans Andy Wallace drejtoi një prototip të ri në përshpejtimin maksimal me një shpejtësi të paprecedentë 490 kmh.
Pas kësaj arritjeje të jashtëzakonshme, u prodhua një prodhim i kufizuar i makinës, i quajtur Bugatti Chiron Super Sport 300+. Makina luksoze ka një motor tetë litrash me turbocharger dhe 1,577 kuaj fuqi – për krahasim, një Volkswagen Polo ka 95.
Vetëm tetë nga 30 modelet arritën në SHBA dhe kjo do të jetë hera e parë që një prej tyre del në shitje publikisht. Makina është në ankand nga kompania amerikane Bonhams Cars dhe do të dalë në shitje në Scottsdale, Arizona, SHBA më 25 janar, për një çmim të vlerësuar prej 5-5,5 milion dollarë (4,56 milion-5,2 milion €).
Supermakinat janë makina sportive me performancë të lartë, që zakonisht vijnë në numër të kufizuar. Ato janë të pajisura me motorë shumë të fuqishëm, kanë aerodinamikë të avancuar dhe prodhohen me materiale të lehta.
Segmenti i supermakinave drejtohet kryesisht nga marka si Bugatti, Ferrari, Lamborghini, Daimler AG, McLaren, Porche dhe Koenigsegg, ndër të tjera. Tregu global vlerësohej të kishte vlerë pothuajse 17 miliardë dollarë në 2022.
Parashikimi më i fundit nga Business Research Insights parashikon një rritje vjetore prej 3,72% të tregut global, midis 2022-2031, e nxitur nga një kërkesë në rritje për automjete të qëndrueshme dhe miqësore me mjedisin dhe nga zhvillimi i automjeteve autonome. SCAN
