Detaje tronditëse janë mësuar nga ngjarja në Korçë. Burime bëjnë me dije se një shtetas i armatosur ka qëlluar mbi një person, duke e vrarë dhe më pas është vetëvrarë.
Fillimisht, personi i qëlluar ka qenë duke u transportuar drejt spitali me shenja jete, por nuk ka arritur t’u mbijetojë plagëve të marra. Ndërsa autori ka ndërruar jetë në vendngjarje.
Policia dhe grupi hetimor janë nisur drejt vendngjarjes, ende nuk dihet motivi i këtij krimi.
Njoftimi i policisë:
Korçë/Informacion paraprak
Më datë 28.02.2024, rreth orës 20:25, në lagjen nr. 18, Korçë, rruga “Koço Golniku”, një shtetas ende i paidentifikuar, dyshohet se ka qëlluar me armë zjarri shtetasin E. P., rreth 40 vjeç, banues në Korçë, i cili ka humbur jetën gjatë transportimit për në spitalin e Korçës.
Autori i dyshuar i krimit, pasi ka qëlluar 40-vjeçarin, dyshohet se është vetëvrarë me armën e krimit.
Shërbimet e Policisë kanë shkuar menjëherë në vendngjarje, ku kanë gjetur dhe sekuestruar në cilësinë e provës armën e krimit, gëzhojat. Gjithashtu janë administruar dhe po këqyren pamjet filmike nga kamerat e sigurisë.
Për këtë rast është krijuar një grup i posaçëm hetimor i cili po punon për zbardhjen dhe dokumentimin e plotë të ngjarjes, si dhe për identifikimin e autorit të ngjarjes.
