Një aksident është regjistruar në aksin rrugor “Krahës-Malas”, në Tepelenë. Një mjet ka humbur kontrollin dhe ka dalë nga rruga.
Si pasojë e aksidentit është lënduar drejtuesi dhe dy pasagjerë, të cilët janë dërguar në spital për ndihmë mjekësore.
Grupi hetimor po punon për sqarimin e rrethanave të aksidentit.
Njoftimi i policisë:
Tepelenë/Informacion paraprak
Rreth orës 15:05, në aksin rrugor “Krahës-Malas”, shtetasi E. M., 41 vjeç, banues në Memaliaj, ka humbur kontrollin mbi drejtimin e automjetit dhe për pasojë automjeti ka dalë nga rruga.
Si pasojë janë dëmtuar shtetasi E. M. dhe 2 pasagjere në automjetin që drejtonte ai. Të tre këta shtetas janë dërguar në spital, ku janë jashtë rrezikut për jetën.
Grupi hetimor po punon për sqarimin e rrethanave të aksidentit.
