Trajneri Silvinjo publikoi 26 futbollistët që do të jenë pjesë për dy miqësoret e marsit, ndaj Kilit dhe Suedisë. Kishte shumë risi kjo listë, ku binin në sy rikthimet e Rei Manajt dhe Armando Brojës, por edhe Marash Kumbulla.
Po ashtu, një rikthim ishte edhe ai i Naser Alijit, i cili kishte kohë që nuk ishte pjesë e grupit kuqezi. Risia e madhe e kësaj liste është ardhja e kosovarit Arbër Hoxha, i cili luan në kampionatin kroat. Ai nuk preferoi Kosovën, por zgjodhi të luante për Shqipërinë.
Silvinjo ka lënë jashtë disa lojtarë që ishin protagonistë në eliminatore. Gjasula, Muja, Daku, por edhe Ajeti nuk janë pjesë e Kombëtares për këto dy ndeshje.
