Nikolla e Fetahi ftojnë Gugën në Zvicër për spektaklin e madh gala “Shën Tereza, shqiptarja e gjithë botës”
Në kuadër të turit “Shën Tereza, shqiptarja e gjithë botës” që do të realizohet ne Tiranë në nderim të shenjtores së madhe Nëna Terezë, producenti e prezantuesi i mirënjohur Sokol Guga po zhvillon takime në Basel të Zvicrës me biznesmen e afarist të suksesshëm që jetojnë atje dhe që kanë ngritur bizneset e tyre. Edicioni i 3 i këtij spektakli duket se do të jetë shumë i kushtueshëm për faktin se për herë të parë do te realizohet një skenë gjigande në Teatrin Kombëtar të Operës dhe Baletit e cila do të mbajë firmën sërisht të skenografit të mirënjohur Bledar Gërcaliu. Me ftesë të biznesmenit Kris Nikolla e Fehmi Fetahi, i cili është edhe President nderi i forumit të biznesmeve shqiptare ne Zvicër, Sokol Guga do të takohet me afaristët e suksesshëm të ndërtimit e kompanive të shit-blerjeve të pronave. Guga do të qëndrojë ne Basel vetëm dy ditë ku do të vijojë turin e tij në Gjermani me unionin e bizneseve shqiptare në Frankfurt, Stuttgard e ne Dortmund. Cilët do të jenë afaristët e suksesshëm që Guga ka përzgjedhur për të qënë në sezonin e tretë, mbetet ta shohim në ekranin e televizionit kombëtar Klan Plus në 5 Shtator
