“Boksi, në dukje një sport i ashpër, nëse ushtrohet me talent, profesionalizëm dhe Fair Play, shndërrohet në një art të vërtetë, duke përcjellë vlerat më të mira njerëzore në shoqërinë tonë.”
Et’hem Ibrahimi
Sot, datë 12.05.2024, në ambientet e Pallatit të Sportit në Vlorë, gjatë kampionatit të boksit për pionerët dhe para të rinjtë, u zhvillua promovimi i librit të Profesor Et’hem Ibrahimit, “Emërmëdhenjtë e Boksit Shqiptar”.
Ky aktivitet i veçantë për qytetin, gërshetoi tre momente të rëndësishme, të cilat i dhanë asaj një vlerë të shtuar.
Së pari, aktiviteti kryesor , kampionati i boksit për pionerët dhe para të rinjtë e angazhuar në disiplinën e boksit, i cili dëshmoi vazhdimësinë e këtij sporti, duke u përcjellë ndër breza, duke promovuar gjenerata të reja të sportistëve boksier.
Së dyti, akoma më të veçantë aktivitetin e sotëm, kampionatin e boksit për pionerët dhe para të rinjtë, ja dha promovimi i librit të Profesor Et’hem Ibrahimit, “Emërmëdhenjtë e Boksit Shqiptar”, i cili nxorri ne pah shkrirjen mes sportit dhe librit, duke e bërë dyfish të veçantë aktivitetin e sotëm.
Në fjalën time, në lidhje me librin e kampionit të boksit , trainierit të shquar prof.Et’hem Ibrahimit, risolla në vëmendje thënien në hyrjen e librit “Emërmëdhenjtë e Boksit Shqiptar “, boksi kur zhvillohet me sportivitet të lartë, me ndershmëri, me “fair-play” dhe me forcë, është një art, është një kulturë. Theksova gjithashtu se në thelb, boksi nuk është sport thjesht i njerëzve të fortë, boksi është sport i njerëzve me karakter, i njerëzve të mençur, i personaliteteve sportive,i atyre që në moshën e rinisë dhe më tej kur zhvillojnë aktivitetin e tyre, mbi të gjitha kanë mençurinë, kanë karakterin, kanë integritetin e tyre të fortë.
Një vlerë tjetër e aktivitetit të sotëm, ishte dhe vlerësimi që ju bë personaliteteve të sportit dhe në veçanti atyre të boksit, nga ana e “Shoqatës së Veteranëve të Boksit Shqiptar”, krahas të cilëve u nderova dhe unë, si trainierët e shquar: Todi Driza,legjenda Zef Gjoni, Gëzim Zeneli dhe suportuesi nder vite i Flamurtarit z.Perlat Alla.
Aktiviteti i moderuar me kulturë e profesionalizëm nga gazetari i njohur
z.Ervin Baku.
All reactions:
37Rezenbrik Serjani, Tritan Shehu and 35 others
