Lidhur me rezolutën dhe komisionin e propozuar nga PS-së për të monitoruar dhe kontrolluar SPAK-un, ka reaguar nëpërmjet një postimi në profilin e tij në rrjetin social facebook, anëtari i kryesisë së PD-së, Gentian Gaba.
Gaba shprehet se një vit përpara zgjedhjeve të vitit 2025, kryeministri i qeverisë më të korruptuar në Evropë kërkon të fitojë virgjërinë dhe pafajësinë e humbur, duke propozuar një rezolutë kundër korrupsionit me stilin e OFL-së së dështuar.
“Rezolutat dhe komisionet e subjekteve të SPAK, pak muaj para zgjedhjeve, teksa dinamika e SPAK ka kapur ritmin kërcënues për të korruptuarit në qeveri e bashki, janë një atentat ndaj institucioneve të drejtësisë.” – shprehet Gaba.
Më poshtë postimi i plotë:
Ne 2020-en, 1 vit para zgjedhjeve te 2021-shit, Edi Rama krijoi lodren e OFL-se, nje hile sa propagandistike dhe penguese per drejtesine e sapo ngritur, per te mbushur SPAK me dosje, ne qellim pengimin e revanshit te drejtesise ndaj korrupsionit qe atehere gelonte siç gelon tani. E vetmja gje qe ka mbetur nga operacioni mediatiko-juridik i OFL-se, jane pamjet e kesaj zonje me syze, si kujtesa e talljes se Rames me qytetaret, me taksat dhe institucionet e tyre.
– Nje vite para zgjedhjeve te 2025-es, kryeministri i qeverise me te korruptuar ne Europe, kryeministri i inceneratoreve, kryeministri i dosjes 5D dhe dhjetra thagmave multimilioneshe me te cilat jane shqyer arkat e shtetit nga banda plackitese ne pushtet, kryeministri qe kriminalizoi institucionet duke futur perdhunues, trafikante dhe vrases (siç provoi operacioni i fundit i SPAK), kerkon te fitoje virgjerine dhe pafajesine e humbur duke propozuar nje rezolute kunder korrupsionit me stilin e OFL-se se deshtuar me sukses para zgjedhjeve te shkuara. Rezolutat dhe komisionet e subjekteve te SPAK, pak muaj para zgjedhjeve, teksa dinamika e SPAK ka kapur ritmin kercenues per te korruptuarit ne qeveri e bashki, jane nje atentat ndaj institucioneve te drejtesise. Ujku kerkon qe me vote parlamentare t’i vare edhe njehere vetes melcite ne qafe, ne menyre qe te vazhdojne e te kafshojne çdo gje qe eshte e shqiptarve per te nginjur skoten e tyre te vogel por te majmur.
