Vetëm pak ditë na ndajnë nga zgjedhjet për Parlamentin Europian dhe një sipërmarrës shqiptar kandidon për eurodeputet në Itali.
Muharrem Salihu ishte në një intervistë mbrëmjen e sotme në emisionin “Opinion” në TV Klan. Ai ndau më tepër detaje nga kandidimi i tij si eurodeputet.
Fevziu: Në cilat zona të Italisë kandidon, janë katër zona apo jo?
Salihu: Emilia-Romagna, Veneto, Friuli-Venezia Giulia, Trentino Alto-Adige.
Fevziu: Këto janë të katërta zonat?
Salihu: Këto janë katër rajonet, që bëjnë një njësi zgjedhore.
Fevziu: Pse vendose të kandidoje për eurodeputet?
Salihu: Nuk vendosa une, kjo ishte e natyrshme. Ishte pjesë e rrugëtimit.
Fevziu: Është e vërtet që angazhimi politikë ka ardhur për të ndihmuar Luginën?
Salihu: Ajo më ka marrë shumë kohë nga jeta ime edhe për faktin se nuk jam shkëputur asnjëherë domethënë.
Fevziu: Ishte ide e jotja apo të shtyu komuniteti apo politikanët për tu angazhuar?
Salihu: Jo, ishte ide e imja, por nuk e prisja se do ta përkrahin italianët sepse partitë politike që kam bashkëpunuar më kanë ofruar kyçje në politikë qëndrore por nuk kam pranuar.
Fevziu: Pse? Cfarë ndryshon me të qënit eurodeputet?
Salihu: Sepse problemet që lidhen me rajonin mendoj se do zgjidhen në bashkisinë evropiane, në Parlamentin Evropian.
Fevziu: Shqiptarët e komunitetit si e kanë pritur?
Salihu: Me shumë entuziazëm. Unë nuk e prisje këtë përkrahje kaq të madhe. Shpejt u përhapë si lajm dhe më përkrahin nga të gjitha anët. Nuk hap dot telefonin sepse ka shumë kërkesa “Na tregoni ku jeni? Si mund t’ju ndihmojmë?”.
