Takimi i sotëm miqësor kundër Azerbajxhanit do të zhvillohet në orën 19:00, teksa është përcaktuar që të luhet në Haladas, qytet në Hungari, në të njëjtin stadium ku u luajt edhe miqësorja e parë.Kuqezinjtë janë vendosur në Grac të Austrisë, vend ky që ndodhet rreth 1 orë larg stadiumit që do të zhvillohet ndeshja. Ekipi pritet të niset mesditën e sotme, teksa sa i përket transmetimit, këtë sfidë mund ta ndiqni në SuperSport dhe Tv Klan.
Ndërkohë, në këtë ndeshje janë caktuar edhe arbitrat që do të vendosin drejtësi. Bëhet fjalë për një katërshe hungareze, me kryesor Mihali Kaprali, me sfidën që do të nisë në orën 19:00.
Azerbajxhani sipas kompanisë së basteve në botë, ka një koeficient 4.20 për një fitore të mundshme. Padyshim favorite në këtë takim shihet Shqipëria, me një kuotë 1.91, ndërsa barazimi ka një koeficient 3.30. Sakaq, shënimi i tre golave në total nga ky ekipet kuotohet 2.39. PANORAMASPORT.AL
