Kompania e parë ajrore që ofron fluturime direkte nga Tirana drejt qytetit vibrant të Valencias, Spanjë
Shqipëri, 6 Qershor 2024: Wizz Air, linja ajrore më e madhe në Shqipëri dhe me rritjen më të shpejtë në Europë, ka kënaqësinë të njoftojë nisjen e linjës së re ekskluzive nga Tirana në Valencia, Spanjë. Duke filluar nga 6 Qershori, udhëtarët do të kenë mundësinë unike të fluturojnë direkt nga Tirana në Valencia, duke shënuar një moment të rëndësishëm pasi Wizz Air bëhet linja e parë ajrore që ofron këtë destinacion.
Valencia, e njohur për plazhet e saj mahnitëse, trashëgiminë e pasur kulturore dhe kuzhinën e shijshme, është një destinacion shumë i kërkuar. Kjo rrugë e re pritet të rrisë komoditetin e udhëtimit dhe të hapë mundësi të reja emocionuese për turistët, udhëtarët e biznesit dhe komunitetin lokal.
Detaje Kryesore të Rrugës së Re:
• Data e Fillimit: 6 Qershor 2024
• Qyteti i Nisjes: Tirana, Shqipëri (TIA)
• Destinacioni: Valencia, Spanjë (VLC)
• Frekuenca: 3 herë në javë, çdo të martë, të enjte dhe të shtunë.
• Kohëzgjatja e Fluturimit: Rreth 2 orë e 55 minuta
Tamara Nikfirorova, Menaxhere e Komunikimeve Korporative në Wizz Air, tha: “Jemi të emocionuar të nisim këtë rrugë ekskluzive për në Valencia, duke ofruar klientëve tanë më shumë opsione udhëtimi dhe fleksibilitet. Valencia është një qytet i gjallë me shumë për të ofruar, dhe pohojmë të entuziazmuar se jemi linja e parë ajrore që lidh direkt Tiranën me këtë destinacion fantastik. Ky destinacion I ri thekson angazhimin tonë për të zgjeruar rrjetin tonë dhe për të ofruar opsione udhëtimi të përballueshme për pasagjerët tanë.”
Piervittorio Farabbi, Drejtori Operacional i TIA-s, u shpreh: “Në 20 vite nga fluturimi i parë, i festuar vetëm disa ditë më parë, Wizz Air është zhvilluar nga një linjë ajrore rajonal në një linjë ajrore të vërtetë globale, me një prani në rritje në Europë dhe Lindjen e Mesme.Kjo është arsyeja pse angazhimi i vazhdueshëm dhe i fuqishëm i Wizz Air për bazën e saj në zgjerim të vazhdueshëm në Tiranë është lajm i mirëpritur për Industrinë e Aviacionit Shqiptar.Si operatori më i madh në TIA, Wizz Air ofron gjithnjë e më shumë mundësi për udhëtime të sigurta, të qëndrueshme dhe të përballueshme në aeroportin tonë.”
Miguel Angel Perez, Zv. Drejtor i VISIT VALENCIA, citoi: “ Jemi të entuziasmuar për fluturimin e ri direkt midis Tiranës dhe Valencias, një linjë e re që do të ndihmojë qytetarët e Valencia të vizitojnë parajsën natyrore mahnitëse të Shqipërisë dhe shqiptarëve të zbulojnë Kryeqytetin e Gjelbër aktual të Europës: Valencian, qytetin e parë mesdhetar që arrin këtë titull.”
Pse Valencia?
Valencia është një perlë në bregun e Mesdheut, duke ofruar një kombinim të përkryer të atraksioneve moderne dhe monumenteve historike. Nga Qyteti i Arteve dhe Shkencave futuristike, deri tek qyteti i vjetër i këndshëm dhe festivali i famshëm Fallas, Valencia premton një përvojë të paharrueshme për të gjitha llojet e udhëtarëve.
Informacion për Rezervime:
Biletat për në Valencia janë të disponueshme tani. Udhëtarët mund të rezervojnë fluturimet e tyre përmes faqes së internetit të Wizz Air, ose aplikacionit celular të Wizz Air në iOS dhe Android, dhe mund të paguajnë në monedhën shqiptare!
FUND
Rreth Wizz Air
Wizz Air, linja ajrore me kosto ultra të ulët që rritet më shpejt në Evropë, operon me një flotë prej 214 avionësh Airbus A320 dhe A321. Një ekip profesionistësh të përkushtuar të aviacionit ofron shërbim superior dhe çmime shumë të ulëta, duke e bërë Wizz Air zgjedhjen e preferuar të 62 milionë pasagjerëve nga prilli 2023 deri në mars 2024 (FY24). Wizz Air është listuar në Bursën e Londrës nën simbolin WIZZ. Kompania është shpallur kohët e fundit një nga pesë linjat ajrore më të sigurta në botë nga airlineratings.com, agjencia e vetme në botë për vlerësimin e sigurisë dhe produkteve, dhe Linja Ajrore e Vitit nga Air Transport World në 2020, si dhe Linja Ajrore e Vitit nga Air Transport Awards në 2019 dhe 2023. Wizz Air gjithashtu është njohur si “Linja Ajrore me Kosto të Ulët më të Qëndrueshme” brenda Çmimeve të Qëndrueshmërisë Botërore të Financës në 2022 dhe “Grupi i Linjave Ajrore më të Qëndrueshme Mjedisore” nga Çmimet e Ekselencës së CAPA-Centre for Aviation 2022-2023.
Për më shumë informacion:
V+O Communication Albania: [email protected]
Na ndiqni në Instagram: @wizzair
Na ndiqni në Facebook: @wizzair
Na ndiqni në Twitter: @wizzair
Na ndiqni në TikTok: @wizzair
Shënime për Redaktorët:
• Të gjitha fluturimet e Wizz Air operohen me avionë Airbus A320 me 180 vende dhe Airbus A321 me 230 vende, si dhe avionë Airbus A320neo me 186 vende dhe Airbus A321neo me 239 vende
• Për fotografi falas të avionëve, ekuipazheve dhe bibliotekën e logos, ju lutemi vizitoni https://wizzair.com/en-gb/information-and-services/about-us/press-office/
• Për më shumë informacion rreth strategjisë së qëndrueshmërisë së Wizz Air, ju lutemi shihni Përditësimin ESG të F23
