Le ta pranojmë që për shumëkënd, vera është një nga stinët më të bukura dhe më të gëzueshme të vitit. Falë ditëve më të gjata, diellit, plazhit dhe arratisjeve gjatë fundjavave, kjo periudhë mbetet një nga më të lezetshme për të gjitha grupmoshat.
Binjakët
Vera 2024 është në thelb fillimi i një periudhe magjike të fatit të mirë, ndaj bëhuni gati të argëtoheni dhe të shijoni energjinë që rrjedh në rrugën tuaj.
Ju do të zbuloni se këtë verë ndiheni më të sigurt dhe më optimistë me veten tuaj dhe ata që ju rrethojnë. Personaliteti juaj magnetik, bën që korriku të jetë një kohë fantastike për të “përqafuar” natyrën tuaj sociale dhe për t’u dorëzuar në aventurat më të mira me miqtë apo familjarët tuaj.
Peshorja
Kjo verë do të jetë vërtet emocionuese për ju, pasi Jupiteri do të kalojë të gjithë sezonin në shtëpinë tuaj të nëntë të aventurës. Ky është një lajm shumë i mirë për çdo gjë që lidhet me udhëtimet, kështu që është një kohë fantastike për të planifikuar “arratisje” të veçanta verore ose për të kaluar një fundjavë ndryshe me miqtë tuaj.
Do të ndiheni plot energji dhe mendjehapur, ndaj do të jeni gati të provoni gjëra të reja ose të bëni një hap besimi drejt diçkaje veçanërisht emocionuese.
Ujori
Të lindurit e kësaj shenje do e kenë më të lehtë që të kalojnë kohën e lirë duke përqendruar gjithë energjinë në gjërat që sjellin më shumë gëzim dhe përmbushje gjatë këtij sezoni.
Pavarësisht nëse kjo do të thotë të angazhoheni me një projekt të ri apo të ndiqni një pasion argëtues, ju do të kënaqeni, do të realizoni dëshirat e zemrës dhe do të shijoni atmosferën kudo dhe kurdo. Gushti është muaji juaj që do të ndriçohet nga aventurat e reja.
