Ka një kufi se sa shumë mediat mund t’ju tregojmë për zgjedhjet në Britani, të paktën derisa qendrat e votimit të mbyllen.
Kjo për shkak se vendi ka rregulla të rrepta për raportimin ndërsa njerëzit ende votojnë.
Ato aplikohen për të gjithë transmetuesit e licencuar në Mbretërinë e Bashkuar, përfshirë dhe CNN duke i ndaluar ata të raportojnë për çështjet e fushatës, sondazhet e opinionit, deklaratat politike dhe kandidatët deri në mbylljen e qendrave të votimit në mbrëmje.
Kufizimet janë shumë më të forta se në shumë vende, ku kandidatët vazhdojnë fushatën në ditën e zgjedhjeve, pasi përpiqen të çojnë sa më shumë votues në qendrat e votimit.
Zyra e Komunikimit e Mbretërisë së Bashkuar (Ofcom) zbaton rregulloret, të cilat janë krijuar për të garantuar që mbulimi politik të jetë i paanshëm dhe për të parandaluar mediat që të ndikojnë tek votuesit gjatë hedhjes së fletëvotimeve.
Kjo do të thotë që në ditën e zgjedhjeve, ju nuk do të dëgjoni gazetarë apo ekspertë që spekulojnë rreth politikës në valët televizive dhe radio të Britanisë, apo në faqet digjitale.
Por gjithçka ndryshon në orën 22:00 me orën lokale (23:00 me orën e Shqipërisë), në momentin që mbyllen qendrat e votimit.
