Zvicra do të vijojë bashkëpunimin me trajnerin Murat Yakin. Kombëtarja helvete ka dhënë lajmin për tifozët, nëpërmjet një postimi në rrjetet sociale.
49-vjeçari numëron 39 ndeshje në krye të kësaj skuadre, me ekipin që ka marrë mesatarisht 1.64 pikë për ndeshje. Bordi drejtues vendosi që palët të vazhdojnë bashkëpunimin, nisur këtu nga rezultatet e rëndësishme, të arritura së fundmi. Zvicra, në Euro 2024, bëri paraqitje pozitive, teksa u eleminua vetëm falë penalltive nga Anglia, në fazën çerekfinale.
