Gjykata e apelit të posaçëm ka konfiskuar pasuritë e ish-gjyqtarit të Lartë Guxim Zenelaj. Bëhet fjalë për 7 pasuri në emër të Zenelaj që me vendim të apelit kanë kaluar tashmë për llogari të shtetit. Me kerkesë të prokurorisë Zeneljat iu konfiskua një sipërfaqe prej 1 mijë metra katror tokë që gjendet në Porot Palermo në Himarë si dhe 6 apartamente e garazhe.
Sipas SPAK ai akuzohet për veprën penale të “Refuzimi për deklarimin, mosdeklarimi, fshehja ose deklarimi i rremë i pasurisë. Nga ana tjetër prokuroria e posaçme pak ditë më parë I kërkoi gjykatës dënimin me 1 vite burg për Zenelajn. Por në të njëjtën kohë, SPAK i tha gjyktës që të pezullojë dënimin me burg dhe ta vendosë Zeneljan për 2 vite në shërbim prove.
Zenelaj u largua nga sistemi i drejtësisë në vitin 2017-të përpara se të përballej me procesin e vetingut. Ndërsa në vitin 2016, ai deklaroi në deklaratën e pasurisë 18 apartamente dhe tre njësi ndërtimore në Ishull Shëngjin, Lezhë që tashmë janë kofiskuar pasi nuk justifokohen me burimin e të ardhurave
