Igli Hasani, ministër për Europën dhe Punët e Jashtme, do të kandidojë për Sekretar të Përgjithshëm të OSBE-së. Emri i kryediplomatit shqiptar është propozuar nga qeveria shqiptare. Lajmi është publikuar nga “Security and Human Rights Monitor”, ku theksohet se do të jetë në garë me 4 kandidatë të tjerë: Jan Braathu (Norvegji) – Shef i Misionit të OSBE-së në Serbi; Christophe Kamp (Holandë) – Përfaqësues i Përhershëm i Holandës në OSBE; John MacGregor (Kanada) – Shef i Qendrës së OSBE-së në Ashgabat dhe Marcel Peško (Sllovaki) – Përfaqësues Special i Kryesuesit të OSBE-së, Koordinator i Projektit të OSBE-së në Ukrainë.
