Një konflikt me thika ka ndodhur mes dy të miturish në Pogradec, ku ka mbetur i plagosur një 15-vjeçar. Sipas informacioneve, 15-vjeçari është paraqitur në urgjencën e spitalit Pogradec për ndihmë mjekësore, pasi është lënduar me thikë gjatë një sherri me një 13-vjeçar. Policia bën me dije se ngjarja ka ndodhur mbrëmjen e sotme, ndërsa rreth orës 20:50 i lënduari ka shkuar në spital, i cili pasi ka marrë ndihme mjekësore është larguar për në banesë. Ndërkohë është shoqëruar në komisariat 13-vjeçari, për sqarimin plotë të rrethanave të ngjarjes.
Njoftimi i policisë
Rreth orës 20:50, në urgjencën e spitalit Pogradec, është paraqitur për ndihmë mjekësore një 15 vjeçar, banues në Pogradec, i cili gjatë një konflikti të çastit, është dëmtuar lehtë me mjet prerës(thikë), nga një 13 vjeçar.
15 vjeçari pasi mori ndihmë mjekësore në spital u largua në banesë.
Shërbimet e Policisë kanë identifikuar 13 vjeçarin i cili do shoqërohet në Komisariat.
Grupi hetimor ndodhet në vendngjarje dhe po punon për sqarimin plotë të rrethanave të ngjarjes.
Sherr mes dy të miturish, plagoset njëri prej tyre! Shoqërohet në polici 13-vjeçari
