Klubi Sportiv Kamza 2021 premton një të ardhme të suksesshme në sportin e traditës së vendit tone që po kalon një periudhë shumë të vështirë.
Pas dështimit për t’u kualifikuar në Olimpiadën e Parisit që fillon këtë fundjavë, Federata Shqiptare e Peshëngritjes i ka hedhur sytë dhe i është përkushtuar më tepër brezave të rinj, për të zëvendësuar tashmë emrat e mëdhej në perëndim, të këtij sporti si Briken Calja dhe Erkand Qerimaj.
Kështu në aktivitetin e Kupës së Republikës U15 deri në U17, ka patur një pjesëmarrje të jashtezakonshme nga sportistët e rinj dhe kampionët e mëparshëm të këtyre moshave. Edhe pse në kushte shumë te veshtira, në temperatura tepër të larta mbi 40 °C, peshëngritësit ia dolën me shumë sukses duke na dhuruar nje performancë fantastike dhe me rezultate të shkëlqyera.
Ekipi më i mirë për meshkuj për moshën U15 u shpall ai i Kamzës, një nga ekipet më të reja në këtë sport, duke i shtuar qytetit të Kamzës një sport që nuk ka qwenë më pare në këtë vend, falë përkushtimit dhe sakrificave të presidentit te kësaj skuadre doktorit, Dashamir Çajka, i cili në një kohë shumë të shkurtër ka mundur të grumbullojë disa kupa dhe arritje në këtë sport, në palestrën që mban emrin e ikonës së peshngritjes shqiptare, Aleksandër Kondo.
Kështu në peshën deri 40 kg, në vendin e pare u rendit Brando Kolaj i ndjekur nga Bruno Çela, në peshën deri 49 kg në vendin e pare gjendet Mariel Prenga i ndjekur nga Bojken Çela, për të kaluar më pas në peshën deri në 61 kg me Fabio Çelami dhe në peshën deri në 67 kg Elson Çela, për ta mbyllur me peshën deri në 73 g me Aldo Dodën në vendin e dytë. Rezultate këto që idhanë skuadrës së re dhe me shumë të ardhme një tjetër trofe të rendësishëm.
Ekipi më i mirë për femra U17 rezultoi ekipi i Tiranës, ndērsa ekipi më i mirë për meshkuj U17 u shpall ekipi i Shtërmenit. Sportistja më e mirë U17 ishte Enkileda Carja, ndërsa sportisti më i mirë U17 u shpall Samoel Rrasa.
