Aventura e Thomas Strakohës te AEK nuk ka nisur në mënyrën më të mirë të mundshme, me portierin e Kombëtares shqiptare që është bërë pjesë e disa gafave, gjë e cila ndodhi dhe në takimin kualifikues të Ligës së Konferencës, kundër armenëve të Noah.
Në minutën e 34’, portieri shqiptar nuk arriti të largonte një top siç duhet, i cili u përplas në këmbët e Pinson, i cili riktheu baraspeshën.
Por nëse gafa e parë mund të harrohej, e dyta ishte padyshim e dhimbshme. Në minutën e 67’, portieri kundërshtar Cancarevic goditi topin fortë nga porta e tij, që gjeti të papërgatitur Strakoshën, me topin që u ngrit sipër gardianit kuqezi dhe më pas përfundoi në rrjet. Në fund takimi përfundoi me rezultatin 3-1, duke ia bërë të vështirë kualifikimin AEK-ut në ndeshjen e kthimit.
