“Shtetet e Bashkuara janë në kontakt të rregullt me zyrtarë qeveritarë për çështje me interes të ndërsjellë”, tha Departamenti i Shtetit për Zërin e Amerikës, në pyetjen nëse Shtetet e Bashkuara kanë informacion për destabilizimin në Maqedoninë e Veriut, siç paralajmëroi kryeministri Ministri Hristijan Mickoski, si dhe a kanë biseduar për këtë temë me Qeverinë e Maqedonisë.
“Deri sa ne përgjithësisht nuk ofrojmë komunikime nga takimet diplomatike, ne jemi në kontakt të rregullt me zyrtarë qeveritarë për një gamë të gjerë çështjesh me interes të përbashkët”, thonë nga zyra e shtypit e Departamentit të Shtetit.
Mickoski, gjatë vizitës së tij në Drejtorinë doganore më 15 gusht, tha se zyrtarët e lartë të ish-qeverisë po përpiqen të mobilizojnë njerëzit në terren dhe “të provokojnë konflikt etnik, gjegjësisht të destabilizojnë harmoninë ndëretnike në Maqedoni”.
“Kemi indikacione për elementë që kanë shuma të mëdha parash në miliona, disa prej tyre janë zyrtarë të lartë në ish-qeveritë dhe që po përpiqen të mobilizojnë njerëzit në terren, kryesisht për të manipuluar, dhe ajo që më shqetëson në veçanti është se po tentojnë të provokojnë konflikt etnik, të destabilizojnë harmoninë ndëretnike në Maqedoni. Kjo është ajo që më shqetëson më shumë sepse ata e kuptojnë se përndryshe nuk mund të mobilizojnë njerëzit dhe tani mënyra e vetme është të provokojnë këtë lloj konflikti. Ne nuk do ta lejojmë këtë. “Apeloj opinionin, mediat dhe qytetarët që të përmbahen nga çdo provokim, t’i injorojnë ato, herët a vonë autorët e këtij lloji të provokimeve do të mbajnë përgjegjësi”, tha Mickoski.
