Çifti Obama shfrytëzuan mundësinë për të përdorur fjalimet e tyre në kongres për të mbështetur kandidaten Kamala Harris në Shtëpinë e Bardhë, si dhe për të sulmuar kundërshtarin e saj republikan, Donald Trump.
Ish-presidenti dhe gruaja e tij morën brohoritje dhe duartrokitje nga turmat teksa flisnin, ndërsa u kërkuan kolegëve demokratë që të organizohen dhe t’i futen punës, për zgjedhjet jashtëzakonisht konkurruese.
Michelle Obama foli në mbështetje të Harris, duke thënë se “diçka mrekullisht magjike është në ajër … fuqia ngjitëse e shpresës” dhe se ajo ishte “më se e gatshme për këtë moment”.
Ajo e krahasoi edukimin e Harris me atë Donald Trump, duke thënë se historia e Harris është “historia juaj… historia e shumicës dërrmuese të amerikanëve që përpiqen të ndërtojnë një jetë më të mirë”.
Obama kritikoi gjithashtu Trumpin për sulmet e tij ndaj saj dhe burrit të saj, dhe një fjali që mori një zhurmë dhe mbështetje të madhe ishte tallja e saj për pretendimin e tij se emigrantët po merrnin ‘punë të zeza’, duke pyetur nëse ai e kuptonte se puna për të cilën po kandidonte ishte një prej tyre.
Barack Obama paralajmëroi se demokratët u përballën me një “luftë të ashpër” për presidencën.
Ai tha se SHBA ishte gati për një presidente si Harris dhe se ajo ishte gati për këtë punë dhe do të punonte për të bashkuar vendin.
Obama tha se Amerika nuk kishte nevojë për katër vite të tjera të Donald Trump, duke thënë: “Ne e kemi parë atë film më parë – dhe të gjithë e dimë se vazhdimi është zakonisht më i keq”.
Ai e përshkroi ish-presidentin si një miliarder “i cili nuk ka reshtur së ankuari për problemet e tij”.
