Atletja olimpike Rebecca Cheptegei ka ndërruar jetë disa ditë pasi u hodh me benzinë dhe iu dogj zjarri nga i dashuri. Lajmi u konfirmua nga Federata e Atletikës së Ugandës.
Maratonistja 33-vjeçare nga Uganda, e cila garoi në Paris, kishte pësuar djegie të mëdha pas sulmit të së dielës, tha mjeku që e trajtonte.
Autoritetet në Kenia, ku Cheptegei jetonte dhe stërvitej, deklaruan se ajo u sulmua nga ish i dashuri pasi u kthye në shtëpi nga kisha
“Me pikëllim të thellë njoftojmë vdekjen e atletes sonë, Rebecca Cheptegei, e cila tragjikisht u bë viktimë e dhunës në familje. Ne si federatë dënojmë akte të tilla dhe bëjmë thirrje për drejtësi. Shpirti i saj u prehtë në paqe”, thuhet në postimin e Federatës së Atletikës.
Sulmi ndodhi të dielën dhe ajo ndodhej në gjendje kritike pasi pësoi djegie në mbi 75% të trupit të saj.
Nga flakët pësoi djegie edhe Daniel Ndiema Marangach, të cilin autoritetet e identifikojnë si të dashurin e saj.
