Superylli i pop-it Madonna ka kërkesa strikte për të dashurin e saj të ri, duke përfshirë kur mund të flejë dhe çfarë mund të hajë. Madonna e bëri publike lidhjen me Akeem Morris për herë të parë kur postoi një album fotosh në Instagram për 4 korrikun.
Burimi thotë për revistën Life and Style: Madonna e llaston Akeem me rroba dhe dhurata dhe udhëtime të klasit të parë, por gjithçka është gjithmonë sipas kushteve të saj.
Insajderi vazhdoi: Ajo është shumë e rreptë me të gjithë në jetën e saj. Kjo do të thotë se ai duhet të shkojë të flejë kur ajo fle, të ngrihet kur ajo ngrihet, të hajë të njëjtën dietë siç bën ajo.
Madonna dhe Akeem së fundmi festuan ditëlindjen e 66-të të Madonna-s në Pompei, qyteti historik që u shkatërrua nga shpërthimi i vullkanit të Vezuvit. Të dy u panë të kapur për dore dhe gjashtë fëmijët e saj ishin gjithashtu të pranishëm.
Në fillim të këtij viti, Madonna u nda nga Josh Popper, 30 vjeç, të cilin e takoi kur ai ishte trajneri i boksit të djalit të saj David Banda. Më pas u përfol se ishte në lidhje me boksierin britaniko-nigerian Richard Riakporhe.
