Humbja 1-0 ndaj Paraguajit ka lënë shije të hidhur te Brazili. Futbollisti i Selecciaos, Vinicius tha se ekipi duhet që me çdo kusht të reagojë, pasi kjo nuk është rruga e duhur për kombëtaren.
“Duam ta kthejmë këtë situatë me çdo kusht. Tani le të shkojmë të gjithë në shtëpi dhe të mendojmë të reflektojmë menjëherë për atë që duhet të përmirësojmë” – tha ai.
Brazilianët rrezikojnë seriozisht edhe pjesëmarrjen në Botëror pasi në kualifikuese, pas 8 ndeshjesh kanë vetëm 10 pikë. Ekipi i Dorival Silvestre Junior renditet në vendin e pestë.
