Ish-kryebashkiaku i Kukësit, Safet Gjici, po përballet me probleme të rënda shëndetësore dhe ndodhet i shtruar në një spital privat në kryeqytet. Raportohet se Gjici është në trajtim mjekësor që prej muajit korrik të këtij viti.
Në zhvillime të tjera, Gjykata e Posaçme e Shkallës së Parë vendosi më 7 shkurt që të deklarojë fajtor Safet Gjicin për veprën penale “shpërdorimi i detyrës”. Ky vendim është lidhur me një aferë seksuale që ndodhi në zyrën e tij dhe për të cilën u dënua me 3 vjet burgim. Pas aplikimit të gjykimit të shkurtuar, dënimi i tij u reduktua në 2 vjet heqje lirie.
Arrestimi i Gjicit ndodhi më 24 qershor 2023, pas publikimit të një videoje ku ai shfaqej duke kryer marrëdhënie seksuale me një grua dhe më pas duke kërkuar nga vartësit e tij që të kalonin në këshill një projekt të kërkuar prej saj për menaxhimin e qenve të rrugës.
