Policia italiane në bashkëpunim me Prokurorinë ka nxjerrë në pah një rrjet të gjerë diplomash false që përfshinin rajone të ndryshme të Italisë dhe Shqipërinë.
9 persona janë vënë në pranga dhe 30 të tjera janë nën hetim, ndërsa vijon puna për identifikimin e persona të tjerë të mundshëm të përfshirë në këtë skemë mashtrimi me diplomat e lëshuara nga Universiteti Wisdom.
Të arrestuar janë Savino Cianci, gruaja e tij Lucia Catalano, Maria Saveria Modaffari, Giada Fortunata Modaffari, Maria Ornella Attisano, Leonardo Catalano, Marco Lombardi, Antonio Caporale dhe Maria M’Daraa.
Shoqata kriminale do të kishte futur në xhep mesatarisht 8 mijë euro për çdo diplomë apo vërtetim tjetër fals që u jepet studentëve të paditur.
Kualifikimet ishin të ndryshme: mësimdhënie mbështetëse, diplomë në kriminologji, diplomë hotelerie dhe specializime të tjera.
Sipas mediave italiane, çifti Cianci-Catalano madje i dhanë ryshfet një zyrtari të qeverisë shqiptare.
Në një reagim për mediet, avokatja e tyre e përbashkët ka thënë se: “Tashmë kemi shpjeguar qëndrimin tonë për shumicën e akuzave para organeve të tjera gjyqësore. Këto ditë që na ndajnë nga marrja në pyetje do të mbledhim të gjithë dokumentacionin që kemi për të sqaruar aspektet e mbetura të historisë. Kemi besim të madh te organi gjyqësor procedues”.
